SOUTH RAILWAY PROJECT, APRUBADO NA-Balita

SOUTH RAILWAY PROJECT, APRUBADO NA

TULUY-TULOY NA ASENSO ● Kaunlarang walang patlang sa Bicol Region at iba pang bahagi ng Luzon ang kaakibat ng P104 bilyong South Railway project na inaprubahan na kamakailan ng National Economic Development Authority (NEDA).

Ang masipag at matalinong si Albay Gov. Joey Salcedo ang nagsusulong ng naturang proyekto, bilang chairman ng Regional Development Council (RDC) at ng the Luzon Area Development Coordinating Council (LADCC). Ang 653-kilometrong South Railway na mula Manila hanggang Legazpi City sa Albay ay bahagi ng P117.3 bilyong North-South Commuter Railway project at P170 bilyong North-South Railway Project na nasa ilalim ng Public-Private Partnership (PPP) scheme. Matapos ang mahabang pakikipag-ugnayan ni Salceda sa PPP Center, Department of Transportation and Communication (DOTC), NEDA at Philippine National Railways, nabigyan din ng prioridad ang proyekto.

***

MAS MASIGLANG TURISMO ● Ayon kay Salceda, napakahalaga ng South Railway project sa Kabikulan dahil mapapasigla nito ang rural tourism, mapalalakas ang kakayahang makipagtagisan ng galing ang Bicol labor, at magkakaroon ng multi-modal transport means upang lalong lumawak ang distribusyon ng mga produkto ng Bicol sa buong Luzon at iba pang rehiyon. Layunin din ng North-South Luzon Railways plan na buhayin uli ang dating Manila-Albay rail route na ang balangkas ay ipinanukala ng Bicol RDC na pinamumunuan ni Salceda na isang economist. Katuwang sa pagsusulong nito ang LADCC na si Salceda rin ang chairman. Saklaw ng LADCC ang 38 lalawigan at 771 lungsod at bayan sa Luzon.

***

NABUBUKOD-TANGI ● Kinatigan naman nina DOTC Sec. Abaya, Planning Sec. Balisacan at PMS Sec. Almendras sa kanilang mga pagpupulong ang panukala ni Salceda na sadyang kailangan ang railway program sa pambansang pangkaunlarang agenda ng bansa. Kay Salceda ibinibigay ang kredito sa pag-unlad ng buong Bicol Region na sa kabila ng malimit itong bayuhin ng mga bagyo at kalamidad, ay lumago ang ekonomiya ng 9.4% noong 2013, higit na mataas pa sa 9.1% ng Metro Manila.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...