SAN RAFAEL, Bulacan – Iniligtas ng pulisya ang isang 40-anyos na babae na hinostage ng kanyang nobyo noong Huwebes ng gabi sa bayang ito, ayon sa pulisya.
Nangyari ang insidente sa BMA Barangay Balagtas sa San Rafael dakong 8:30 ng gabi nitong Pebrero 5.
Nasa pag-iingat na ng pulisya ang naarestong si Ronald Allan Villegas Domingo, 37, binata, matapos ang dalawang oras na pangho-hostage nito sa kasintahang si Elaine Lachica Valerio, kapwa residente sa lugar.
Ayon sa inisyal na imbestigasyon, nauwi sa hostage drama ang pag-aaway ng magkasintahan dahil nais ng biktima na makipaghiwalay na sa suspek.
National
