Nasawi kahapon ang isang 22-anyos na babaeng volunteer ng Department of Health (DoH) matapos siyang madaganan ng scaffolding sa Tacloban airport, malapit sa pinagdausan ng misa ni Pope Francis sa lugar.
Hindi pa nakikilala ang nasabing volunteer.
Iniulat ng DZRH News na nadaganan ang biktima ng loudspeaker scaffolding na tinangay ng malakas na hangin na dulot ng ‘Amang’.
Hindi pa naipapaalam sa pamilya ng biktima ang insidente kaya hindi pa makapaglabas ng iba pang detalye tungkol sa aksidente, ayon sa news agency.
