Isang Islander-type aircraft ang nabalaho matapos lumagpas sa runway sa Basco Airport sa Batanes kahapon.
Ayon sa ulat ni Basco Airport Officer-in-charge Wilfredo Cabitac, bumalaho ang BN Islander aircraft na may tail number RP-C1320 sa kaliwang bahagi ng runway dakong 12:52 kahapon ng hapon.
Wala namang naiulat na nasaktan sa pitong pasahero at dalawang crew na lulan ng eroplano, ayon kay Cabitac.
Napag-alaman din ng airport authorities na ang 12-seater plane ay pagaari ng North Sky.
