Nais ni Pangasinan 5th District Rep. Kimi Cojuangco na maisabatas ang paggamit ng electronic money o “E-money” bilang instrumento ng komunikasyon sa Internet.
Batay sa House Bill (HB) 4914 o E-Peso Act of 2014 ni Cojuangco, binibigyang-diin ng panukala ang kawalan ng opisyal na paraan ng pagbabayad o currency para sa world wide web.
“What exists is a patchwork of methods using traditional credit systems, which act in place of money on the Internet. The E-peso is the electronic equivalent to the paper peso,” paliwanag ni Cojuangco.
Aniya, ang E-peso ay magiging legal tender at legal na bayad sa utang, buwis, produkto at serbisyo sa mga transaksiyon sa Internet.
DepEd, sinabing walang korapsyon sa pamumuno ni Sonny Angara
Batay sa panukala, ang E-peso ay kikilalaning electronic legal tender at dapat na maging available sa lahat ng bangko sa bansa.
Inoobliga rin ang Bangko Sentral ng Pilipinas (BSP) na pag-aralan ang “bitcoin and post bitcoin cryptocurrencies” na tutukoy sa teknolohiyang gagamitin ng E-peso. - Ellson A. Quismorio
