INCHEON, Korea— Naging apologetic ang Incheon Asian Games Organizing Committee (IAGOC) sa anila’y isang diplomatic lapse.
Inakala ng IAGOC na dapat na nagrolyo sila ng red carpet para kay golfer Princess Superal, na akala ng Korean officials ay isang prinsesa mula sa isang bahagi ng Pilipinas.
Isang ‘di inaasahang courtesy call ang natanggap ni Chief of Mission Ricardo “Ritchie” Garcia sa nasabing kaganapan, at mahinahon na sinagot ni Philippine Sports Commission (PSC) Chairman ang IAGOC welcoming committee na inakalang nagkaroon sila ng seryosong diplomatic oversight.
“The IAGOC felt they made an error in not being able to recognize a princess from the Philippines,” pahayag ni Garcia. “An official was so apologetic for what they thought was a lapse.”
Archdiocese of Manila, hindi mag-eendorso ng kandidato sa eleksyon
“I assured them that there was no oversight on their part. That our golfer, in fact one of our hopes for the gold medal here, is named Princess but that she is not a princess of any part of the Philippines but a princess of our team just the same,” dagdag ni Garcia.
Nang tanungin hinggil sa insidente, sadyang nagulat si Superal.
“Me, a princess? That’s cool!” pahayag nito.
