KAKAUNTI lamang ang kahulugan ng salitang tagumpay ngunit napakaraming interpretasyon. Sa artikulo natin ngayon, ipagpalagay nating agree tayo na matatamo ang tagumpay sa pamamagitan ng pag-accomplish ng ating mga target o mga mithiin sa buhay. Sana okay na ang kahulugang iyon sa iyo. Ngayong agree na tayo sa ating kahulugan, tumungo na tayo sa proseso.
Ang proseso para sa tunay na pagkamit ng tagumpay sa trabaho, sa pamilya o kahit na sa anong larangan sa lipunan, ay nagtataglay ng mga kumikilos na bahagi at ang lahat ng iyon ay dapat nating isinasaalang-alang. Ipaliliwanag ng artikulong ito ang karamihan sa mahahalagang bahagi ng tagumpay. Kung susundin mo ang pamamaraan o gabay sa artikulong ito, iyong matatamo ang kahit na anong target na ninanais mo.
- Ang paggawa ng kaunti ay lumilikha ng marami. - Marami sa atin ang naniniwala na kapag extra sipag ka ay may extra rin ang iyong biyaya. Ngunit totoo rin ang kabaligtaran niyon. Ang mga indibiduwal na nag-iisip ng mga paraan upang mas marami ang nagagawa sa kakaunting enerhiya ay ang mga totoong nangunguna. Ang mga taong ito ay hinamon, kumilos, at lumaban sa pagsalungat sa nakararami. Iyon ang dahilan kung bakit sila matagumpay, at hindi dahil mas marami silang ibinuhos na panahon at lakas. Kapag natutuhan mong gumawa ng kaunti at maraming nalikha, iyong matatamo ang tagumpay.
- Ituring na nakamtan mo na ang mga bagay na gusto mo. - Magkunwaring nakamtan mo na ang mga bagay na gusto mo. Kapag ginawa mo ito, makikita mo ang pananaw ng taong gusto mong maging. Kapag iniarte mo iyon, matututuhan mo ang aktuwal na mga hakbang upang makarating doon. Kapag pinag-aralan mo ang taktika ng taong matagumpay at ginaya mo ang paraan ng kanilang paggawa, matututuhan mo ang mga paraan upang maging matagumpay. Sa pagkukunwaring taglay mo na ang tagumpay, malalaman mo ang pakiramdam niyon na magpapaningas ng iyong pagkauhaw upang magtagumpay.
PBBM admin, nagsisilbing ‘totoong kalamidad’ sa ‘Pinas – Maza
Sundan bukas.
