LAMBAYONG, Sultan Kudarat – Nanlumo ang mga residente ng Barangay Pimbalayan, Lambayong, Sultan Kudarat matapos salakayon ng mga armadong kalalakihan ang detachment ng 4th SKCAA nitong 12:30 ng madaling araw ng Agosto 25, 2014, ngunit walang nasaktan ayon sa pulisya.
Sa pahayag ni Police Senior Inspector Emerson Policarpio, hepe ng Lambayong PNP, mahigit sampung armado ng matataas na kalibre ng baril ang pumosisyon sa isang bahagi ng Pimbalayan National High School at pinaputukan ang detachment na pinamumunuan ni Sgt. Joven Imbat ng Army sa ilalim ng 38th IB.
Nagkabarilan ang magkabilang panig na tumagal ng 30 minutobago umatras ang hindi pa kilalang grupo ng armado sa bahagi ng Barangay Midpandakan, General SK Pendatun, Maguindanao.
Sa pagsisiyasat ng PNP at PNP-EOD-Sultan Kudarat, narekober sa lugar ang mga basyo ng bala mula sa kalibre M-14, 16 at 30 gayundin ang isang 40mm na na-detonate naman ng PNP.
