Nasa kalagitnaan na si Perpetual Help’s Earl Scottie Thompson upang maging susunod na Most Valuable Player ng liga sa 90th NCAA basketball tournament.
Taglay ni Thompson, 21-anyos, ang kanyang pinakamatinding season kung saan ay pinamumunuan niya ang MVP statistical race na may kabuuang 57 statistical points malayo sa kanyang teammate na si Harold Arboleda na taglay ang 49.56, San Beda’s Ola Adeogun na mayroong 47, Arellano U’s Jiovani Jalalon sa kanyang 46.89 at isa pang Perpetual Help standout na si Juneric Baloria sa naiposteng 43.56.
Ang tubong Digos, Davao del Sur ay may averaged na fourth best 17.33 points, fifth-best 11 rebounds, second-best 5.56 assists at second-best 2.11 steals upang tanghaling pinakamahusay individual player sa 10 mga laro sa Season 90.
Subalit sinabi ni Thompson na ang kanyang prayoridad ay ang tulungan ang Altas na magwagi sa kanilang unang NCAA championship.
Empleyadong lasing, patay matapos sapakin ng ginising na katrabaho
“I’m focused on helping my school win an NCAA title, nothing more,” saad ni Thompson.
Napabilang rin sa top 10 sina Emilio Aguinaldo’s Noube Happi (43.22) ng Cameroon, San Beda’s Arthur dela Cruz (42.75), Lyceum’s Joseph Gabayni (41.89), Arellano’s Dionce Holts (41.78) ng United States at San Sebastian’s Bradwyn Guinto (40.67).
Pinangunahan naman ni La Salle-Greenhills’ John Gob ang juniors MVP race na taglay ang 56.89 points matapos na magposte ng nakalululang 15.11 points, 17.33 boards at 2.22 blocks kada laro.
Banta naman sa MVP bid ni Gob sina Mapua’s Dennel Aguirre, Perpetual Help’s Jeszir Sison, Mapua’s Noah Lugo at Jose Rizal’s Mark dela Virgen na mayroong MVP stats points na 51, 46.38, 45.78 and 45.33, ayon sa pagkakasunod.
Nakisalo rin sa top 10 sa high school MVP hunt sina Letran’s Joshua Gonzales (43.78), Jose Rizal’s Jamil Garcia (42.78), Letran’s Jerrick Balanza (42) at San Beda’s Niko Abatayo (41.67) at Joshua Andrei Caracut (41.33).
