Mariing kinondena ng National Police Commission (NAPOLCOM) ang umano’y insidente ng hazing sa loob ng Philippine National Police Academy (PNPA) na kinasasangkutan ng ilang mga kadete
Ayon sa inilabas na pahayag ng NAPOLCOM Vice Chairperson at Executive Officer Rafael Calinisan sa kanilang Facebook page nitong Biyernes, Abril 10, 2026, sinabi nilang hayagang paglabag sa batas at pagdusta sa dignidad ng isang tao ang naging insidente ng hazing sa nasabing academy.
“This act is not only utterly alarming, it is a blatant violation of the law, a direct affront to human dignity, and absolutely intolerable,” pagsisimula niya.
Photo courtesy: NAPOLCOM (FB)
Ani Calinisan, dapat na isinusulong sa PNPA ang pagtuturo ng disiplina na nakabatay sa pagrespeto sa karapatang pantao, pagkilala sa batas, at pagsasabuhay ng mga ito, hindi para labagin.
'Truly fulfilling!' FL Liza, ibinida mga preparasyon sa ASEAN Summit 2026
Diin niya, “The commission of hazing within its ranks represents a breakdown of discipline, leadership, and institutional accountability.”
Dahil dito, nagawang magdeklara ni Calinisan na hindi raw ito dapat mangyari pa saanmang mga institusyon lalong lalo na sa PNPA.
“Let this be declared without reservation: THIS MUST NEVER HAPPEN-UNDER ANY CIRCUMSTANCE, IN ANY INSTITUTION, AND MOST ESPECIALLY NOT IN ONE ENTRUSTED WITH SHAPING THE LEADERS OF THE NATION'S LAW ENFORCERS. There is no justification, no excuse, and no tolerance for such acts,” tinding nila.
Bilang pagtugon dito, mabilis na bumuo ang NAPOLCOM ng Task Force na magsasagawa ng imbestigasyon upang makapagbigay ng pananagutan sa mga mapapatunayang sangkot sa nasabing insidente.
Pagtitiyak ni Calinisan, maaari daw maharap sa mga pang-administratibo parusa at mahainan ng nararapat na kaso nang walang prejudice ang sinomang mapapatunayang may kinalaman sa naging hazing sa PNPA, direkta man o hindi ang naging pakikisangkot nila.
“Equally, those vested with authority and responsibility to enforce discipline, protect cadet welfare, and secure the academy environment-yet failed in their duty, whether through negligence, tolerance, or deliberate inaction-shall be investigated and held accountable. Silence, concealment, or indifference is complicity,” pagtatapos pa nila.
Samantala, ayon naman sa nauna nang naging pahayag ng PNPA sa kanilang Facebook page noong Huwebes, Abril 9, 2026, sinabi nilang agad na nilang binigyan ng atensyon-medikal ang mga nagtamo ng injury sa nasabing kaso ng hazing.
“The Philippine National Police Academy (PNPA) promptly implemented appropriate measures following a recent incident to ensure the safety, well-being, and continued care of the cadets involved. Those who sustained injuries received immediate medical attention and were placed under ongoing monitoring to ensure their full recovery,” pagsisigurado ng PNPA.
