Oil tankers, mga sasakyang naghahatid ng basic commodities exempted sa truck ban at coding

Oil tankers, mga sasakyang naghahatid ng basic commodities exempted sa truck ban at coding—MMDA

By Vincent Gutierrez

March 24, 2026

In BALITA

Inanunsyo ni Metro Manila Development Authority (MMDA) General Manager Nicolas Torre III na exempted na sa truck ban at number coding ang ilang mga sasakyan gaya na lamang ng oil tankers at mga transportasyong nagdadala ng pangunahing produkto sa iba’t ibang bahagi ng bansa.

Kaugnay ito sa patuloy na pagtaas ng presyo ng produktong petrolyo bunga ng nagaganap na tensyon sa pagitan ng mga bansa sa Middle East, partikular na ang Israel at Iran.

Sa joint press briefing na isinagawa nina Torre, kasama sina Department of Public Works and Highways (DPWH) Secretary Vince Dizon at San Juan Mayor Francis Zamora nitong Martes, Marso 24, inilahad niya na ang mga naturang direktiba ay paraan ng ahensya upang makatulong sa mga sektor na apektado ng nasabing kaganapan.

“Approved na ‘yong MC resolution… so lahat ng field trucks ay hindi na kasali sa number coding… at pati ang mga basic commodities natin is ganoon din,” saad ni Torre.

Aniya, “Dahil we recognize ‘yon nga ang pangangailangan ng ating mga kababayan na talagang medyo may…it is beyond normal ang situation natin, so medyo ina-alleviate natin through these directives.”

Ibinahagi rin ni Torre na epektibo na ngayong Martes, Marso 24, ang nasabing approved resolution.

Nag-anunsyo rin ang general manager kaugnay naman sa number coding scheme sa darating na Semana Santa.

“Tapos this coming… sa iba pang mga cases natin this coming Holy week—starting Wednesday, bale April 1 ‘yon hanggang sa Monday, 6 a.m. ng pagkatapos ng Holy week natin—ay suspended na rin ang mga number coding natin,” anang general manager.

Sa kaugnay na ulat, matatandaang inanunsyo naman kamakailan ni Department of Transportation (DOTr) Secretary Giovanni Lopez ang toll discount para din sa mga sasakyang nagdadala ng pangunahing produkto sa iba’t ibang parte at rehiyon ng bansa.

“Nakipag-usap tayo sa toll operators, inuna natin ‘yong sinasabi nating Class 3, ‘yong mga buses, mga trucks na bumibiyahe na may agri products, essential goods…and we asked them to give a discount,” saad ni Lopez.

MAKI-BALITA: Toll discounts sa trucks, buses na may kargang agri, essential goods, kasado na-Balita

44°C heat index, naitala sa 4 na lugar sa Luzon!

Naitala ng Philippine Atmospheric, Geophysical and Astronomical Services Administration (PAGASA) ngayong Huwebes, Mayo 7, ang pinakamataas na heat index sa apat na lugar sa Luzon, kung saan ito ay nakapailalim sa 'danger level.' Sa datos na inilabas ng PAGASA nitong alas-singko ng hapon, naitala ang 44°C heat index sa Dagupan City, Pangasinan; Batac, Ilocos Norte; Aparri, Cagayan; at...

'Tao!' Forensic expert Raquel Fortun, iginiit na hindi mukhang corned beef ang Negros 19!

Nanawagan ang forensic expert na si Raquel Fortun sa publiko na tigilan ang paggamit ng salitang “corned beef” bilang bansag sa mga napapatay sa operasyon ng militar kontra New People’s Army (NPA) sa Negros Occidental noong Abril 19, 2026. Ayon kay Fortun, hindi dapat gawing biro o katawagan ang mga bangkay ng mga nasawi, lalo na’t tao ang mga ito na may pamilya at dignidad. “They...

'Truly fulfilling!' FL Liza, ibinida mga preparasyon sa ASEAN Summit 2026

Masayang ipinagmalaki ni First Lady Liza Araneta Marcos ang mga naging paghahanda para sa 48th Association of Southeast Asian Nations (ASEAN) Summit 2026 kung saan hands-on siya at isa sa mga punong abala para sa nabanggit na mahalagang political event. Nitong umaga ng Huwebes, Mayo 7, ibinahagi ni FL Liza ang isinagawa niyang final walkthrough sa Mactan Expo upang matiyak na nasa maayos na lagay...