Inaprubahan na ng National Police Commission (NAPOLCOM) ang optional retirement ni dating Philippine National Police (PNP) Chief Gen. Nicolas Torre III mula sa PNP service noong Lunes, Enero 19, 2026.
Mula ito sa naging pag-upo ni Torre bilang General Manager ng Metropolitan Manila Development Authority (MMDA) noong Disyembre 26, 2025.
KAUGNAY NA BALITA: ‘Prayers for your success!’ De Lima, binati si Torre matapos italagang MMDA General Manager
Ayon sa isinapublikong dokumento ng NAPOLCOM at mga ulat nitong Miyerkules, Enero 21, 2026, makikitang aprubado na ang nasabing optional retirement ni Torre sa PNP service base sa utos ni acting PNP Chief Lieutenant General Jose Melencio Nartatez Jr.
Sen. Kiko, reunite kay Mayor Leni; isusulong Sagip Saka act sa Naga!
“PGEN NICOLAS DELOSO TORRE III 0-06117, PHAU, DPRM, Account Nr T459065, is optionally retired from the PNP service effective December 26, 2025 with 5 L/P and retirement benefits equivalent to his present rank as approved by the NAPOLCOM Resolution No. 2026-0029 dated January 19, 2026 pursuant to Section 40 of R.A. No. 6975 in relation to Section 34 of R.A. No. 8551,” mababasa sa nasabing dokumento.
Photo courtesy: NAPOLCOM
Dahil dito, inaasahan na umano ang pagtaas ng ranggo ni Nartatez bilang kasunod na magiging opisyal na namumuno sa PNP kapag na-promote na ito para sa ranggong four-star general.
Samantala, wala pa namang opisyal na pahayag, tugon, o reaksyong inilalabas si Torre kaugnay rito.
MAKI-BALITA: MMDA Chair Artes, winelcome si ex-PNP Chief Gen. Torre bilang bagong MMDA General Manager
MAKI-BALITA: Bitbit pagiging ex-PNP Chief? Torre, nais ibala '5-mins response' sa mga aksidente sa daan
Mc Vincent Mirabuna/Balita
