Kasalukuyan nang nasa Washington, D.C. si Pangulong Bongbong Marcos para sa kaniyang tatlong araw na official visit sa Estados Unidos.
Dumating ang presidential aircraft bandang 2:48 p.m. nitong Linggo (US time) sa Joint Base Andrews, kung saan sinalubong siya nina Philippine Ambassador to the U.S. Jose Manuel Romualdez at U.S. Ambassador to the Philippines MaryKay Carlson.
Sa pagbisitang ito, si Marcos ang kauna-unahang Southeast Asian leader na hinost ng pinuno ng Amerika mula nang maihalal muli si US President Donald Trump noong Enero.
Binigyang-balangkas ng Malacañang ang pagbisita ni Marcos bilang isang pagkakataon upang muling pagtibayin ang matagal nang alyansa ng kasunduan ng Pilipinas-US.
‘Impeachment process, 'di sapat para mapanagot si VP Sara!’—Ex-DOF Usec. Cielo Magno
“My visit to Washington, DC, and most importantly, my meeting with President Trump, is essential to continuing to advance our national interests and strengthening our alliance,” saad ni Marcos bago siya umalis noong Linggo sa Villamor Air Base.
“We will reaffirm our commitment to fostering our long-standing alliances as an instrument of peace and a catalyst of development in the Asia-Pacific region and around the world,” dagdag pa niya.
Sinabi ni Pangulong Marcos na isusulong niya ang mga negosasyon sa bilateral trade arrangement na maaaring mapahina ang epekto ng pagtaas ng taripa.
“I intend to convey to President Trump and his Cabinet officials that the Philippines is ready to negotiate a bilateral trade deal that will ensure strong, mutually beneficial, and future-oriented collaborations that only the United States and the Philippines will be able to take advantage of,” anang pangulo.
“We will see how much progress we can make when it comes to the negotiations with the United States, concerning the changes that we would like to institute, so as to be able to alleviate the effects of a very severe tariff schedule,” dagdag pa niya.
Samantala, hindi kasama ni Marcos ang kaniyang asawa na si First Lady Liza Araneta Marcos.
