DOJ, naghahanda nang ipaaresto si Roque sa Interpol

By Kate Garcia

May 21, 2025

In BALITA

Kinumpirma ng Department of Justice (DOJ) na inihahanda na nila ang mga kaukulang dokumento upang maipaaresto sa International Crime Police Organization (Interpol) si dating Presidential spokesperson Harry Roque sa Netherlands.

Ipapa-red notice umano ng DOJ sa Interpol si Roque na kasalakuyang may nakabinbing asylum application sa Netherlands.

“We are still preparing the documents needed for an Interpol request for a red notice,” anang pahayag ni DOJ spokesperson Mico Clavano noong Martes, Mayo 20, 2025.

Matatandaang kamakailan lang nang tuluyang naglabas ng warrant of arrest ang

Angeles City Regional Trial Court (RTC) Branch 118 laban kay Roque at Cassandra Ong dahil sa umano’y human trafficking kaugnay ng mga operasyon ng isang Philippine Offshore Gaming Operator (POGO) hub sa Pampanga.

KAUGNAY NA BALITA: Harry Roque, pinaaaresto ng Angeles court dahil sa umano’y human trafficking kaugnay ng POGO

Dagdag pa ng DOJ, “In the end, what we want is to give justice to the victims of the qualified trafficking case. Kasama sa trabaho ng gobyerno ang paghanap sa mga sangkot sa krimen at iharap sa husgado.”

Samantala sa pamamagitan ng Facebook live noong Martes (araw sa Pilipinas), nanindigan si Roque na hindi siya raw siya maaaring arestuhin dahil sa kaniyang asylum application.

“Kahit ano pang kunin n’yong red notice alert diyan, eh manigas kayo! Hindi n’yo ako makukuha habang nakabinbin itong asylum na ‘to dito sa Netherlands,” ani Roque.

BASAHIN: Roque, ipina-cite in contempt dahil hindi isinumite ang SALN at iba pang dokumento sa House QuadCom

Akbayan kay Harry Roque: 'Uwi ka na galit na kami, Interpol bring him home!'

May mensahe ang party-list na Akbayan kay dating presidential spokesperson Atty. Harry Roque kaugnay sa kinahaharap na kasong umano'y human trafficking na may kinalaman sa operasyon ng isang Philippine Offshore Gaming Operator (POGO) hub sa Pampanga.Mababasa sa kanilang Facebook post noong Martes, Mayo 20, 'Uwi ka na, galit na kami. Interpol, bring him home.'Mababasa naman sa...

10-anyos na bata patay matapos magpatuli sa isang clinic sa Tondo

Patay ang isang 10 taong gulang na bata matapos siyang tulian ng isa umanong nagpakilalang doktor sa isang lying-in clinic sa Tondo, Maynila.Ayon sa mga ulat, nakita lang daw ng ina ng biktima sa social media ng kaniyang kaibigan na may nag-aalok ng tuli sa naturang clinic. Matapos magkasundo sa babayaran, agad niyang ipina-schedule ang anak at noong araw ding iyon niya dinala sa clinic para...

Palasyo, may nilinaw sa 'reconciliation' remark ni PBBM: 'Wag lamang mag-focus sa mga Duterte'

Iginiit ni Palace Press Undersecretary Claire Castro na huwag lamang daw ituon ng publiko sa mga Duterte ang naging pahayag ni Pangulong Ferdinand “Bongbong” Marcos Jr. tungkol sa pagiging bukas niyang makipag-ayos sa kaniyang mga kaaway.Sa kaniyang press briefing nitong Miyerkules, Mayo 21, 2025, nilinaw niyang hindi lamang daw limitado sa mga Duterte ang tinutukoy ng Pangulo.“Tandaan po...