Nagpapatuloy ang pagsirit ng presyo ng produktong petrolyo dahil sa walang-humpay na tensyon sa mga bansang nasa rehiyon ng Gitnang Silangan.
Bunsod nito, ipinag-utos na ng pamahalaan ang pamimigay ng ₱5,000 fuel subsidy para sa mga public utility vehicles (PUV) sa bansa, bilang tugon sa naturang krisis sa krudo.
MAKI-BALITA: ₱5k subsidy, ipamamahagi sa mga apektadong sektor ng pagtaas ng presyo ng krudo-Balita
Sa darating na Martes, Marso 17, sisimulan na ng Department of Social Welfare and Development (DSWD), katuwang ang Department of Transportation (DOTr), ang pamamahagi ng nasabing tulong-pinansyal mula sa gobyerno ng bansa.
Mag-uumpisa ang pamamahagi sa mga tricycle drivers sa Metro Manila, at isusunod naman ang mga drayber mula naman sa karatig-rehiyon nito.
Ayon sa kumpirmasyon ni DSWD Secretary Rex Gatchalian, nagbukas sila ng 30 payout sites sa buong National Capital Region (NCR) para sa mga tricycle drivers na kukuha ng nasabing subsidiya.
KAUGNAY NA BALITA: 139k tricycle drivers sa NCR, inaasahang tatanggap ng ₱5k fuel subsidy simula Marso 17-Balita
Ngunit saan nga ba matutunton ang 30 payout sites para sa mga NCR-based tricycle drivers?
Inisa-isa ng DSWD sa kanilang website ang 30 payout sites na maaaring puntahan ng mga tricycle drivers upang makuha ang kanilang ₱5,000 fuel subsidy.
1. Buena Park, Barangay 80 (Caloocan City)
2. University of the East (UE) Subdivision Club House 964 (Caloocan City)
3. Pacquiao Covered Court Sports Complex Bagumbong (Caloocan City)
4. Glorietta Park, Barangay 187 Tala (Caloocan City)
5. Aguilar Sports Complex, Pilar Village (Las Piñas City)
6. Makati City Quadrangle (Makati City)
7. ATIS Covered Court, Brgy. Potrero (Malabon City)
8. Mandaluyong College of Science and Technology Gymnasium (Mandaluyong City)
9. Patricia Paraiso Sports Complex, 658 Flora St., Tondo (Manila City)
10. Barangay 377 Covered Court, Pampanga St, Sta. Cruz (Manila City)
11. Dakota Covered Court, Barangay 659, Ermita (Manila City)
12. ASAC Covered Court, Barangay 627, M. Araullo St., Sta. Mesa (Manila City)
13. Plenary Marikina Convention Center (Marikina City)
14. Muntinlupa Sports Complex (Muntinlupa City)
15. Navotas Convention Center (Navotas City)
16. Palanyag Gym, Barangay San Dionisio (Parañaque City)
17. Don Bosco Gym, Barangay Don Bosco (Parañaque City)
18. Cuneta Astrodome (Pasay City)
19. Pineda Multipurpose Hall, Barangay Pineda (Pasig City)
20. Damayan Multipurpose Hall, Barangay Pinagbuhatan (Pasig City)
21. Pateros Sports Complex, San Pedro (Municipality of Pateros)
22. Former District Action Office, Barangay Katipunan (Quezon City)
23. SB Park Batasan Hills, Barangay Batasan Hills (Quezon City)
24. 5K People’s Park Covered Court, Barangay Milagrosa (Quezon City)
25. Risen Garden, Quezon City Hall, Diliman (Quezon City)
26. Buenamar Park, Novaliches, Barangay Novaliches Proper (Quezon City)
27. SB Park, Barangay Tandang Sora (Quezon City)
28. Makabagong San Juan Theater, National Government Agency (San Juan City)
29. Lakeshore Activity Center (LAC), Gate 3, C6 Road, Barangay Lower Bicutan (San Juan City)
30. Valenzuela City Ampitheater, ALERT Multipurpose Hall (Valenzuela City)
Siniguro din ni Gatchalian na kapag validated at available na ang kanilang mga pangalan, isusunod na sa bigayan ng tulong-pinansyal ang ilang PUV groups tulad ng jeepney, taxi, bus, at transport network vehicle service (TNVS).
Nag-abiso na rin ang DSWD hinggil sa requirements para sa ₱5,000 fuel subsidy.
1. Valid driver's license at isang (1) photocopy
2. Siguraduhin na kasama ang iyong pangalan sa listahan ng mga driver na isinumite ng LGU (kung ikaw ay tricycle driver) at LTFRB.
3. Tiyakin din na tugma ang pangalan sa listahan at pangalan na nakasaad sa driver's license.
MAKI-BALITA: ALAMIN: Ano nga ba ang requirements para sa pagkuha ng ₱5K fuel subsidy sa Marso 17?-Balita
Inaasahang maipamimigay na ang nasabing subsidiya sa mga tricycle drivers sa loob ng tatlong araw.
