Tila nilamon daw nang buo ni Kapamilya actor Anthony Jennings si Kapamilya star Daniel Padilla sa ilang eksena nila sa “Incognito.”
Sa latest episode ng “Showbiz Updates” noong Linggo, Enero 26, binasa ni Mama Loi ang isang ulat tungkol sa umano’y natural acting skills ni Anthony sa naturang teleserye.
“Biglang shumonget si Daniel nung tumabi kay Anthony [Jennings],” hirit pa raw ng isang netizen
Pero ayon kay showbiz insider Ogie Diaz, “Ako mismo magsasabi, hindi totoo ‘yan. Walang sapawang naganap. Iba ‘yong kagwapuhan ni Anthony Jennings sa kagwapuhan naman ni Daniel Padilla.”
'UniTeam' inungkat ng ilang netizens sa Guess To Win promo ng Family Feud
“Alam mo pinakapaborito ko kay Daniel? Ilong. Napakaganda ng ilong. Parang nililok,” dugtong pa niya.
Kaya panawagan niya sa mga netizen, tigil-tigilan na ang pagkukumpara sa dalawang aktor.
Aniya, “Importante talagang engaging ‘yong mga fans pagdating sa ‘Incognito.’ Talagang napakaraming nanonood.”
Kasalukuyan nang mapapanood ang serye sa Netflix, free TV at iWantTFC.
