BALITrivia: Si Santa Claus at ang kapaskuhan

By Kate Garcia

December 20, 2024

In FEATURES Human-Interest

Sino nga ba ang hindi humiling noon ng regalo mula kay Santa Claus?

Mula sa mga larawan, memorabilia at kuwento, kinikilala ng mga bata mula sa iba’t ibang panig ng mundo ang isang taong may kakayahan daw magbigay ng regalo para sa lahat sa tuwing sasapit ang Pasko. Hila ng mga reindeers ang kaniyang sinasakyang puno ng mga kahon-kahong regalo, iiwan ito sa ilalim ng Christmas tree o ‘di naman kaya ay sa loob ng isang medyas na nakasabit sa pinto.

Sa kabila ng mayabong na bersyon ng isang Santa Claus, saan nga ba nagmula ang kaniyang istorya?

Ayon sa tala ng Tammany Parish Library sa kanilang opisyal na website, may isang kilalang bishop mula sa bansang Turkey na nagngangalang Nicholas ang tila naging takbuhan ng marami. Si Nicholas ay ipinanganak noong 280 A.D. at kilalang matulungin at mapagbigay. May ilang kuwento rin patungkol sa kaniyang naging buhay ang nagsasabi na nagawa pa raw niyang ibenta ang kaniyang mga ari-arian upang ipamahagi ito sa mga nangangailangan.

Pumanaw si Nicholas noong Disyembre 6 at makalipas ang ilang siglo, siya ay kinilala ni Pope Eugene IV noong Hunyo 5, 1446 at siya ay naging santo. Kinilala rin ang DIsyembre 6 bilang opisyal niyang kapistahan kung saan kasama rito ang pagreregalo.

Ang pagkalat ng kuwento ni St. Nicholas

Kumalat sa iba’t ibang parte ng Europa ang kuwento ni St. Nicholas kung saan nagkaroon na rin siya ng iba’t ibang pangalan, partikular na sa bansang Hungary kung saan tinawag siyang “Sinter Klaas.”

Bunga na rin ng paglipat ng ilang mga Europeo sa iba’t ibang lugar, nakarating sa New York ang kanilang sikat na paniniwala patungkol kay Sinter Klaas. Bunsod nito, tuluyang nagkaroon ng bersyon ang Amerika ng kanilang “Santa Claus” mula sa mga libro na inililimbag dito. Habang noong 1822 ay tuluyang naimbento ni Clement Clarke Moore ang itsura at kuwento ni Santa Claus na siyang kinikilala na hanggang ngayon.

Mula sa isang tula ni Moore, isinalaysay niya na si Santa Claus daw ay isang masiyahing matanda na naglilibot upang mamigay ng mga regalo. Binigyang-buhay niya si St. Claus bilang isang malaking taong may mahabang balbas.

Naging sikat ang imahe ni Santa Claus nang iguhit ito at simulang gamitin sa iba’t ibang marketing style sa tuwing sasapit ang buwan ng Disyembre, hanggang sa kilalanin na nga ito sa buong mundo hanggang sa kasalukuyan.

Ikaw, tanda mo pa ba kung ano ang hiniling mo noon kay Santa?

VP Sara, nag-eendorso raw para sa impeachment trial—solons

Nagbigay ng reaksiyon sina La Union 1st district Rep. Paolo Ortega V at Lanao del Sur 1st district Rep. Zia Alonto Adiong matapos mag-endorso ng mga kandidato sa pagkasenador si Vice President Sara Duterte, na nahaharap sa impeachment trial na nakabinbin sa Senado.Kamakailan lamang, inendorso ng Pangalawang Pangulo sina reelectionist Sen. Imee Marcos, House Deputy Speaker Camille Villar, at SAGIP...

Espiritu, pinuri si Bitoy dahil sa comedy sketch tungkol sa political dynasty

Naghayag ng paghanga si labor leader at senatorial aspirant Atty. Luke Espiritu kay comedy genius Michael V. o kilala rin bilang Bitoy.Sa isang Facebook post ni Espiritu noong Sabado, ibinahagi niya ang kaniyang reaksiyon sa comedy sketch na ginawa ng Bubble Gang tungkol sa political dynasty.Tampok sa naturang comedy sketch kung paano ang galawan ng mga politikong lumilikha ng sarili nilang...

15 katao nasawi sa pagkalunod sa kasagsagan ng Holy Week—PNP

Nakapagtala ng 18 kaso ng pagkalunod ang Philippine National Police (PNP) kung saan 15 sa kanila ang kumpirmadong nasawi. Ayon sa ulat ng isang lokal na pahayagan nitong Linggo ng Pagkabuhay, Abril 20, 2025, tinatayang nasa siyam na mga biktima ng pagkalunod ang nasa hustong edad habang ang ilan ay mga menor de edad.Ilan sa mga rehiyong nakapagtala ng pagkalunod ay mula sa Rehiyon ng Ilocos,...