Si Joshua Garcia ang magiging tinig ng isa sa mga karakter ng Filipino-dubbed version ng patok na animated movie na "Inside Out 2."
Pinahulaan ng Disney Philippines sa kanilang official Facebook page kung sino nga ba ang Filipino actor na gaganap sa boses ni Lance Slashblade.
"Give it your best guess. Find out soon. Disney and Pixar’s #InsideOut2 arrives September 25 on #DisneyPlusPH," anila.
"WHO'S THE VOICE OF LANCE SLASHBLADE?" dagdag pa nila.
'Kinilabutan ako!' Unang pasilip sa 'Hello, Love, Again,' umani ng reaksiyon
Sa promotional poster ay silhouette ang larawan ng tinutukoy na aktor, at ang mga pamilyar sa bulto nito, nagkakaisang si Joshua ito.
Bagay na tila kinumpirma naman ni Joshua ayon sa Instagram post niya.
"Joy is in control in my emotional HQ rn," aniya. Kalakip ng Instagram post ang mga larawan niya sa dubbing room.
"So happy for and proud of you [face holding back tears emoji] bucket list things!! [sparkle emojis]" komento ng kaibigang aktres na si Ria Atayde-Marudo.
Maging ang girlfriend na atleta ni Josh na si Emilienne Vigier ay nagkomento rito ng black heart suit emoji.
Narito naman ang ilan sa mga reaksiyon at komento ng netizens, lalo na ang mga tagahanga ng aktor.
"love you proud of you, mahal"
"SO PROUD OF YOU KUYA JOSH"
"Congrats, you deserve it so much! Proud of you always"
"so proud of you!"
