Opisyal nang idineklara ng Philippine Atmospheric, Geophysical, and Astronomical Services Administration (PAGASA) ang simula ng tag-ulan.
Sa inilabas na statement umano ng PAGASA , sinabi nila na ang sunod-sunod na pag-ulan, madalas na thunderstorm, pagdaan ng bagyong Aghon, pag-iral ng southwest monsoon o habagat na nagdala ng ulan sa kanlurang bahagi ng Luzon at Visayas ay palatandaan ng pag-uumpisa ng rainy season sa bansa.
Pero magkakaroon naman daw ng tinatawag na “monsoon breaks” kung saan titigil ang pag-ulan nang ilang araw o linggo.
Sa kabila nito, nagpaalala ang PAGASA sa posibleng La Niñang mabuo sa July-August-September na posibleng humantong sa mas malakas na pag-ulan lalo na sa mga huling buwan ng taon.
Romina, patuloy na kumikilos patungong Southern Kalayaan Islands
Kaya naman, nagpaalala ang PAGASA sa publiko sa maaaring epekto ng mga serye ng pag-ulan at ng La Niña tulad ng pagbaha at landslide.
MAKI-BALITA: PAWS, may paalala sa publiko sa panahon ng tag-ulan
