“Dream come true” daw para kay Miss Universe Philippines 2023 Michelle Marquez Dee ang maging bagong Tourism ambassador at i-promote ang kagandahan ng Pilipinas.

Nitong Biyernes, Disyembre 1, nang italaga ng Department of Tourism (DOT) ang beauty queen na bilang bagong Tourism ambassador.

MAKI-BALITA: Michelle Dee, itinalaga bilang bagong tourism ambassador

Sa kaniya namang Instagram post nitong Sabado, Disyembre 2, nagbahagi si Michelle ng ilang snaps ng nangyaring pagtalaga sa kaniya sa naturang posisyon.

Michelle Dee, inihayag bakit si Apo Whang-Od inspirasyon sa evening gown

“Full circle moment. ♥ #MMDNewDOTAmbassador,” ani Michelle sa kaniyang post.

“I’ve always been proud to call the Philippines my home and to call myself Pinoy! To be able to work closely with the Department of Tourism to achieve our shared goal of promoting #FILIPINAS is a dream come true. Maraming Salamat sa tiwala. 🙏🏻🇵🇭,” saad pa niya kasama ang hashtag na #BAYANIHAN.

Matatandaang lumaban kamakailan si Michelle sa 72nd Miss Universe kung saan siya ay naging Top 10 finalist.

Bukod dito, apat na special awards din ang natanggap ng Pinay beauty queen sa nasabing pageant: ang “Best National Costume Award,” “Spirit of Carnival Award,” “Miss Universe’ fan vote,” at ang “Voice for Change Award,” kung saan naka-highlight dito ang kaniyang advocacy para sa autism acceptance at empowerment.

https://balita.net.ph/2023/11/24/michelle-dee-wagi-ng-best-national-costume-sa-miss-universe-2023/

Kaugnay na Balita: