Tila may pasabog na naman si showbiz columnist Ogie Diaz tungkol kay Kapamilya star Baron Geisler.

Sa latest episode ng “Showbiz Updates” nitong Martes, Nobyembre 28, iniulat niya na may babae umanong nali-link kay Baron na taga-GMA Network.

“Talagang may mga resibong ipinakita sa akin at ipinarinig. E, syempre mahirap naman tayong i-judge si Baron agad,” ani Ogie.

Dagdag pa niya: “Tinatanong ko si Baron, gaano katotoo na medyo may napupusuan na isang Kapuso si Baron Geisler? [...] ‘Yan ang dapat sagutin ni Baron kung gaano katotoo.”

National
#WalangPasok: Class suspensions ngayong Biyernes, Sept. 20

#WalangPasok: Class suspensions ngayong Biyernes, Sept. 20

Ayon kay Ogie, nagsimula umano ang lahat nang mag-guest si Baron sa “Fast Talk with Boy Abunda” noong Hunyo.

“Doon nagsimula ‘yung pagkakaibigan ni Baron saka n’ong Kapuso person. ‘Yun na ‘yung dahilan n’on,” saad pa ng showbiz columnist.

Sa kasalukuyan, habang isinusulat ang artikulong ito, wala pang anomang pahayag, tugon, o reaksiyon si Baron hinggil sa isyung ito.