Nauwi sa usapang “closure” sina Vice Ganda, Kim Chiu, at Vhong Navarro sa “Tawag ng Tanghalan” segment ng “It’s Showtime” kamakailan. Hindi tuloy nakaligtas si Kim sa tanungan ng kapwa niyang hosts.
“Alam mo maswerte ka kung ‘yung closure eh naibibigay mo sa sarili mo kasi nasasabi mo ‘yung mga gusto mong sabihin doon sa tao. Kasi may mga pagkakataon, wala na eh, hindi mo na makakausap. Kasi ‘yung iba ayaw na makipag-usap talaga. ‘Yung iba ayaw nang makipagkita. May mga pagkakataon naman na kahit gustuhin mo, wala na ‘yung tao,” saad ni Vice.
50.78% examinees, pasado sa Nov. 2024 Licensure Exam for Agriculturists
“Ikaw ba lahat nakapagbigay ng closure sa’yo?” tanong niya kay Kim na ikinagulat at ikinatameme ng aktres.
“Bakit ako…” sey ni Kim. “Oo naman.”
“Kinausap mo o kinausap ka?” dagdag pa ni Vice.
“Oo naman. Lahat naman nalalagyan ng closure,” sagot ni Kim. Dagdag pa niya, hindi man nabanggit kung sino ex boyfriend, napag-usapan daw na hanggang doon na lang sila.
“So mapalad ka rin kasi nakausap mo pa,” ani Vice.
“Yes. May mga bagay na kailangan natin isarado para makapagbukas ulit tayo ng panibago,” sey ng Kim.
“Paano hinahandle kung hindi na nakausap?” general na tanong naman ni Vice.
“Mahirap talaga ‘yun,” sagot ni Vhong. “Like sa trabaho natin. ‘Yung ex mo nakakatrabaho mo pa, mahirap kapag wala kayong closure. Paano kapag nakatrabaho kayo muli. Paano mo ihahandle ‘yon? Di ba?”
“Ang mahalaga alam mo sa sarili mo na tapos na para kahit magkita man kayo, wala na,” sagot ni Kim. “Kahit hindi ka bigyan ng closure.”
“‘Yon, pagtanggap. Sabagay hindi mo maaaring iasa sa ibang tao sa lahat ng pagkakataon ang closure. Dahil may mga pagkakataon na ‘yung taong ‘yon hindi na niya maibibigay sa’yo. Hindi dahil sa ayaw niya kundi dahil wala na. Maaaring wala na rin ‘yung tao kaya ikaw ibigay mo sa sarili mo ‘yung closure,” saad ni Vice.
