Usap-usapan ngayon ang pasaring na tweet ni "E.A.T." host Joey De Leon hinggil sa mga nagsasabing hindi raw dapat nagpakasal sina Arjo Atayde at Maine Mendoza dahil sa sunod-sunod na paghambalos ng bagyo sa mga nakalipas na araw hanggang sa kasalukuyan.

Sa mga kababayan nating ume-epal na hindi raw dapat nagpakasal ang dalawang ito dahil binabagyo raw ang bayan, eto lang ang masasabi ko—-naunang nagplano sina Menggay kaysa kay Egay!" pahaging ni Joey sa kaniyang verified X (dating Twitter) account nitong Martes, Hulyo 31.

"Wala silang kasalanan kundi ang unang limang letra ng 'kasalanan'—-KASAL!"

https://twitter.com/AngPoetNyo/status/1685859837278838784

Segway ni Kabayan tungkol sa bagyo habang pinag-uusapan kasal nina Maine-Arjo, pinalagan

Bagama't wala namang tinukoy kung sino o sino-sino ang pinatutungkulan, lumutang ang pangalan ni Kabayan Noli De Castro lalo na sa pahiwatig ng salitang "kababayan."

Matatandaang binatikos ng mga netizen si De Castro matapos umanong sumegway sa pananalasa ng bagyong Egay sa bansa, habang pinag-uusapan ng co-news anchors na si Karen Davila, Bernadette Sembrano, at Henry Omaga Diaz ang tungkol sa naganap na kasal ng dalawa.

Wala pang tugon, reaksiyon o pahayag si Kabayan tungkol dito.