Sta. Rosa City, Laguna - Patay ang isang lalaking overseas Filipino worker (OFW) matapos barilin ng isang lalaki habang bumibili sa isang tindahan sa naturang lungsod nitong Martes.
Dead on arrival sa Sta. Rosa Community Hospital ang biktimang kinilala ng pulisya na si Cicoroso Lapez Magsalta, taga-nasabing lungsod, dahil sa tama ng bala sa batok.
Kaagad namang tumakas ang hindi nakikilalang suspek, dala ang baril na ginamit sa krimen.
Sa paunang ulat ng Sta. Rosa City Police Office, ang pamamaril ay naganap sa Barangay Market Area, dakong 2:15 ng hapon.
Probinsya
Higit 1 buwang nawawala: Mangingisda mula sa Quezon, inanod sa Batanes!
Bumibili lamang sa isang sari-sari store ang biktima nang biglang dumating ang suspek at bigla itong binaril.
Tinutukoy pa ng mga awtoridad ang suspek at motibo nito sa krimen.
