Inanunsyo ni Commission on Elections (Comelec) Spokesperson James Jimenez nitong Huwebes, Marso 17, na eere sa lahat ng channels ang gaganaping Pilipinas Debates 2022.
“All channels have committed to air the debates. GMA will air it on DepEd TV. Will stream simultaneously on Comelec’s social media channels – Faceboom, Twitter, and YouTube,” aniya sa kanyang Twitter post.
Sa press briefing, sinabi ni Comelec Chairperson Saidamen B. Pangarungan na si Commssioner George Erwin Garcia ang commissioner-in-charge sa Comelec-organized debates.
“[On] the presidential debates on Saturday and Sunday, paalis na kasi si Commissioner Inting so I have designated Commissioner George garcia as commissioner-in-charge dito sa presidential debate and all succeeding engagements,” aniya.
PBBM admin, nagsisilbing ‘totoong kalamidad’ sa ‘Pinas – Maza
Isasagawa ng Comelec ang kauna-unahang presidential debate nito sa Sabado, Marso 19 na susundan ng vice-presidential debate sa Linggo, Marso 20.
Samantala, isasagawa naman ng Comelc ang ikalawang presidential debate sa Abril 3.
Ang Town Hall debates naman para sa presidential at vice presidential candidates ay gaganapin sa Abril 23 at Abril 24, ayon sa Comelec.
Siyam sa sampung presidential candidates ang dadalo sa Pilipinas Debates 2022. Ito’y sina Ernesto “Ernie” C. Abella, Leodegario “Leody” Q. De Guzman, Francisco “Isko” M. Domagoso, Norberto “Bert” B. Gonzales, Panfilo “Ping” M. Lacson, Emmanuel “Manny Pacman” D. Pacquiao, Faisal “Fai” M. Mangondato, Jose “Joey” C. Montemayor Jr., at Maria Leonor “Leni” G. Robredo.
Matatandaan sinabi ni Jimenez na ang hindi dadalo sa debate ay hindi papayagan na gamitin ang e-rally platforms ng Comelec.
Jel Santos
