Ni CHITO CHAVEZ
Plano ng Department of Interior and Local Government (DILG) na magsampa ng kaso laban kay Parañaque City Mayor Edwin Olivarez para sa umano’y special treatment sa aktor na si Mark Anthony Fernandez na nabakunahan coronavirus vaccine bago ang healthcare workers na dapat ay nasa listahan ng prayoridad.
Ethan David sa 'grooming' issue: 'I was the 13 yrs old being referred to!'
Sinabi ni DILG Undersecretary Epimaco Densing III na si Olivarez ay maaaring managot para sa command responsibility, sa kabila ng paliwanag ng huli na nabakunahan si Fernandez dahil halos lahat ng healthcare workers sa Parañaque City ay nabakunahan na.
Sinabi pa ni DEnsing na nagtitipon din sila ng mga ligal na basehan na maaaring magamit laban kay Fernandez.
Sa isang panayam sa ABS-CBN, binatikos ni Densing si Olivarez dahil sa paggawa umano ng mga kwento na si Fernandez ay nasa substitute list para sa pagiging isang taong may comorbidity.
Ngunit hindi tanggap ni Densing ang mga alibi na ito, binigyang diin na si Fernandez mismo ay inamin na malusog at walang mga gamot pang-maintenance maliban sa mga bitamina.
Nauna nang nagpahayag ng galit ang DILG official matapos malaman na si Fernandez ay nakakuha ng isang libreng bakunang AstraZenca na dapat ay sa medical frontliners.
“Kaninang umaga pikon na pikon ako dahil sa Parañaque, may artista na binakunahan, yung Mark Anthony Fernandez,” sinabi ni Densing III sa panayam sa radyo dzBB nitong Miyerkules.
“Meron tayong priority list na dapat ini-implement, may programa na sinusunod diyan so yung mayor dapat sinusunod ang programa,” aniya.
Ang pagpabakua ni Mark ay nai-post sa isang website ng balita kung saan isinalaysay niya kung ano ang kanyang naranasan pagkatapos noon, habang tinuturukan at pagkatapos ng pagbabakuna. Sinabi niya na wala siyang naramdaman na anumang mga epekto.
Sinipi din si Mark na hinihimok ang mga tao na huwag matakot sa bakuna at magpabakuna pagdating ng pagkakataon.
Ngunit tila nakalimutan ni Mark na karamihan sa mga Pilipino ay walang parehong pribilehiyo na mayroon siya sa pagbabakuna sa coronavirus dahil sa kakulangan ng suplay matapos mabigo ang pambansang pamahalaan na makuha ito sa tamang oras at dahil sa pagkakaroon ng isang listahan ng priyoridad.
“It is the healthcare workers who should be vaccinated first, that guidance came from the World Health Organization itself because they are on the frontline of fighting this virus. We have protocols to be followed,” sinabi ni Densing.
Ang pagbabakuna ni Mark, ayon kay Densing, ay isang pagpapakita ng hindi magandang pagpapatupad ng protocol sa pagbabakuna sa parte ng pamahalaang lokal ng Parañaque City.
