ni Mary Ann Santiago
Pinag-aaralan na ng Manila City government ang pagkakaloob ng libreng coronavirus disease (COVID-19) test para sa mga estudyanteng dadalo ng face-to-face classes.
Ayon kay Manila Mayor Isko Moreno, ang lungsod ay mayroong tatlong RT-PCR machines at dalawang laboratoryo, na kayang mag-handle ng demand para sa swab test.
Aniya, maaari silang mag-alok ng regular na pagsusuri para magkaroon ng kapanatagan ng loob ang lahat.
Malawakang rotational brownout sa Siquijor, nauwi sa deklarasyon ng state of calamity
Libre rin lamang aniya nila itong ipagkakaloob upang hindi na makadagdag pa sa gastusin ng mga mag-aaral.
Kamakailan, inaprubahan ng lokal na pamahalaan ang panukala ng University of Santo Tomas (UST) na magdaos ng limitadong face-to-face classes para sa kanilang medical at allied health programs.
Kamakailan lamang, inaprubahan na rin ang limitadong face-to-face classes sa University of the Philippines-Manila, Our Lady of Fatima University-Valenzuela, at Ateneo de Manila University.
