NAGPATULOY ang pananalasa ng Laguna Heroes sa gabay ni two-time Asian Junior Champion Grandmaster Rogelio “Banjo” Barcenilla Jr. matapos magtala ng impresibong 14-7 win kontra sa Antipolo Cobras sa seventh match ng All Filipino Conference Professional Chess Association of the Philippines (PCAP) nitong Miyerkoles sa online tournament sa lichess platform.

Giniba ng Arizona-based Barcenilla si United States chess master Jose “Jojo” Aquino Jr. sa blitz at rapid sa top board para makamada ng Laguna Heroes ang kanilang ika-5 panalo na may 2 talo.

Bagama’t tabla si Fide Master Austin Jacob Literatus kontra sa United States chess master Rodolfo “Jun” Panopio Jr. sa kanilang blitz game pero nagwagi naman sa rapid play sa board two.

'Pikon daw?' UAAP fan na nag-dirty finger, agaw-eksena sa San Juan Arena!

Namayani naman si Fide Master Jose Efren Bagamasbad kay Martin “Binky” Gaticales sa blitz pero napuwersa naman ng draw sa rapid play sa board four (senior).

Pinasuko naman ni Grandmaster Joh Paul Gomez si Jude Ulanday sa blitz at rapid sa board five (homegrown).