HANDA na ang lahat sa pagbubukas ng CEFAG- Chess Education For Age-Group Youth Under-16 1950 and below rapid chess tournament ngayon sa Waltermart, Taytay, Rizal.
Ayon kina sportsman Eduardo Madrid at national arbiter Boyet Tardecilla bukas ang nasabing torneo sa lahat ng manlalaro na ang edad ay hindi lalagpas ng 16 kung saan ang limit rating ay 1950. Gaganapin din ang blitz side event na limit rating naman ay 2050.
Ang top five qualifier ay uusad sa CEFAG- Chess Education For Age-Group finals sa Mayo kung saan masisilayan ang elementary at high school categories.
Inorganisa ni sportsman Eduardo “Ed” Madrid, Founder ng BATCH- Barangays Achieving Through CHess, na dating NCFP Director at CEFAG- Chess Education For Age-Group official na NCFP Affiliated event sa pakikipagtulungan ng Waltermart Taytay, Rizal Branch na sanctioned ng NCFP.
