DUMAGUETE CITY – Ginulantang ni Antonio Siesmundo ang liyamadong si John “Punisher” Vallega sa impresibong first round knockout win sa main event ng “Mano-Mano: Battle of the Strikers” mixed martial arts competition kamakailan sa Quezon Park dito.
Gamit ang bilis at lakad, nasapol ng 24-anyos na si Siesmundo ng Ripped City Gym-Bohol, ang dating walang talong si Vallega na ikinagulat ng malaking crowd na sumaksi sa kompetisyon na sanctioned ng Games and Amusement Board (GAB).
Nahila ni Siesmundo ang ring record sa 4-1, habang nadungisan ang marka ni Vallega, 21, mula sa Camp Vallega, sa siyam na laban.
Naghario ang dehado sa laban nang masilat din ni Super flyweight Richard Calaveras ng Bacolod City via decision si Janito “Optimus Prime” Blanca ng Leyte sa co-main event ng promotion ng DTC Events, sa pakikipagtulungan ng Dumaguete City government at suportado ng Bethel Guest House, iConcepts prints and advertising at Tactic Fitness Gears.
Napaganda ni Calaveras, 31, ng Victoria’s Kickboxing Stable ang karta sa 7-1, habang si Bianca ng Wild Bout Boxing of Leyte ay may 17-8 record.
Manny Pacquiao, nag-ceremonial first pitch sa gitgitan ng Yankees at Athletics
Narito ang iban pang resulta: Match 1 -- Joseph R. Mercado won via RSC due to injury against Isaac Dela Cruz; Match 2 -- JunJun “Matador” Sinco won via round 1 KO against Kent Velasco; Match 3 -- George”King Pain” Mascardo won via points against Jomer ”Iron Leg” Castillo.
Pinangunahan ni DTC Events president Ed Dames ang pagbibigay ng tropeo at premyo sa mga nagwagi, sa pakikipagtulungann ina Dumaguete City Mayor Felipe Remollo.
“The local government of Dumaguete fully supports MMA as a friendly and entertaining sport. Muay thai is a good self-defense. It also promotes respect and discipline,” pahayag ni Mayor Remollo.
“Through this “Mano-Mano: Battle of the Strikers”, we hope to draw the interest and attention of the people to the sport of MMA,” aniya.
