Mga Laro Ngayon (Araneta Coliseum)
4:30 n.h. -- TNT vs Alaska
6:45 n.g. -- Northport vs San Miguel
Sisikaping mapangatawanan ng TNT at Northport ang kanilang pagtatapos bilang top 2 teams sa nakaraang eliminations sa pagsagupa nila sa dalawang lowest teams na pumasok sa top 8 sa pagpapatuloy ng 2019 PBA Commissioners Cup quarterfinals ngayon sa Araneta Coliseum.
Tatay kay Karl Eldrew: 'Tahimik mong ipanalo mga pangarap mo, dito kami ng Mama mo!'
Agad ding sinimulan ang quarterfinals kahapon sa pagtatapat ng No. 3 seed Blackwater at No. 6 seed Rain or Shine at ng No. 4 seed Barangay Ginebra at 5th seed Magnolia sa kani-kanilang best of 3 series kasunod ng nangyaring playoff sa pagitan ng Alaska Aces at Meralco Bolts nitong Biyernes ng gabi para sa 8th at last quarterfinals berth.
Bilang top two teams, kapwa may bentaheng twice-to-beat ang Katropa at ang Batang Pier kontra sa kani-kanilang katunggali, ayon sa pagkakasunod.
Isang beses lamang kailangang talunin ng Katropa ang 8th seed Alaska na makakaharap nila ngayong 4:30 ng hapon upang makausad ng semifinals at gayundin ang Batang Pier kontra 7th seed San Miguel sa kanilang duwelong mag-uumpisa ng 6:45 ng gabi.
At dahil sa taglay na insentibo, kapwa pinapaboran ang Katropa at Batang Pier kontra sa kanilang katunggali.
