Patay ang isang pulis matapos na pagbabarilin ng riding-in-tandem sa Barangay Bagong Lipunan sa Quezon City, ngayong Biyernes.
MAY KINALAMAN SA TRABAHO? Iniimbestigahan ng mga pulis ang pagkamatay ng kanilang kabaro, si Staff Sergeant Fernando Diamzon, 49, ng Intelligence Group ng Philippine National Police (PNP), makaraang tambangan ng riding-in-tandem sa Bgy. Bagong Lipunan sa Quezon City, ngayong Biyernes. (ALI VICOY)
Kinilala ang biktima na si Staff Sergeant Fernando Diamzon, 49, nakatalaga sa Intelligence Group ng Philippine National Police (PNP).
Sa report, pauwi na ang biktima, sakay sa kanyang motorsiklo (1301-1341946) at pagsapit sa kahabaan ng Bonnie Serrano Avenue ay pinagbabaril ng riding-in-tandem, bandang 8:45 ng umaga.
Tio Moreno, nagpasaring kay Nicolas Torre III
Walang plaka ang kinalululanan ng mga suspek, na kapwa nakasuot ng helmet.
Narekober sa pinangyarihan ang pitong basyo ng bala ng .45 caliber.
Ayon sa awtoridad, posibleng may kinalaman sa trabaho ang pamamaslang sa biktima.
Patuloy ang imbestigasyon sa insidente.
-Fer Taboy
