Mga Laro Ngayon

(Ynares Sports Center)

4:30 n.h. -- NLEX vs Blackwater

7:00 n.g. -- TNT vs San Miguel

'Pikon daw?' UAAP fan na nag-dirty finger, agaw-eksena sa San Juan Arena!

MAPATATAG ang pangingibabaw ang tatangkain ng Blackwater at TNT sa pagsabak nila sa magkahiwalay na laro ngayon sa pagpapatuloy ng 2019 PBA Commissioner’s Cup sa Ynares Sports Center sa Antipolo.

Magkasunod sa kasalukuyan sa una at ikalawang posisyon ang Elite (4-1) at ang Katropa (3-1).

Unang sasalang ang Blackwater kontra NLEX ganap na 4:30 ng hapon bago ang TNT laban sa San Miguel Beer ganap na 7:30 ng gabi.

Tatangkain ng Elite na muling makapagsimula ng bagong winning streak matapos makabalik ng win column noong nakaraang Linggo- Hunyo 2 sa iskor na 98-92 sa Antipolo.

Para naman sa kanilang katunggaling NLEX, magkukumahog ang mga itong makamit ang mailap na unang panalo matapos mabigo sa unang apat na laro.

Sa tampok na laban, gayundin ang hangad ng Katropa na tatangkaing dugtungan ang nakamit na 114-88 na panalo kontra Phoenix sa nakalipas na Linggo.

Inaasahan naman ang pagbawi ng katunggali nilang Beermen mula sa natamong unang kabiguan sa kanilang debut game nitong Miyerkules kontra Northport, 88-121.