MATAGAL-TAGAL na rin ang balitang lilipat na sa GMA Network si Sandy Andolong, na wala namang problema dahil wala naman siyang ginagawang project sa ABS-CBN.
Nang makausap namin si Sandy, sinabi niyang may bago siyang teleserye na gagawin sa GMA, at gaganap daw siyang nanay ni Sanya Lopez. Sabi namin, bagay silang mag-nanay ni Sanya dahil magkahawig sila, at pareho silang mahuhusay na drama actress.
Wala naman palang problema kung lumipat man si Sandy sa GMA.
Pagpapakasal dahil lang sa anak, 'di bet ni Janella Salvador
“Last year pa, October 2018, wala na ako sa sitcom na Home, Sweetie Home, hindi na ako nagte-taping sa kanila,” sabi ni Sandy. “Pero nang i-offer sa akin itong Dahil sa Pag-ibig, nagpaalam naman ako nang maayos sa kanila, nagpasalamat ako dahil five years din ako sa kanila.
“Pero na-miss ko na rin ang drama, ang huli kong ginawa sa GMA ay Anna Karenina in 2013 kaya nang dumating ang offer nila, tinanggap ko agad.
“Nice feeling that I am back dahil mas marami naman akong nagawa sa kanilang teleserye.”
M a s a y a s i Sandy na kasama niya sa Dahil Sa Pag-ibig ang isa pang mahusay na actress na si Tetchie Agbayani.
“Ako ang nanay ni Sanya, si Tetchie naman ang nanay ni Benjamin Alves, at madalas kaming hindi magkasundo sa eksena, kaya may mga fight scenes din kaming dalawa.
“Marami na kaming nai-tape na ganoong eksena, bago namin gawin, nag-uusap muna kami ni Tetchie, kung ano ang gagawin namin, we do it, pagkatapos ng eksena at narinig namin ni Tetchie ang ‘cut’ yakapan na kami.”
May possibility rin na magkasama sila ng asawang si Christopher de Leon sa GMA, pero no problem iyon dahil noong nasa ABS-CBN siya, twice rin silang nagkasama sa project.
“Kaya lang this time, hindi puwede, dahil mayroon ding ginagawang bagong teleserye si Boyet sa ABS-CBN. Pero katatapos din lang niyang mag-guest dito sa GMA, sa TODA One I Love.
“Iyon lang ang maganda sa amin, mga freelancers kami kaya no problem kung tumanggap man kami ng offers sa both network. At doon, thankful kami.”
This Monday, May 20, ang world premiere ng Dahil Sa Pag-ibig sa GMA Afternoon Prime, pagkatapos ng Bihag.
-NORA V. CALDERON
