Arestado ang isang 15-anyos na lalaki nang halikan sa leeg at labi ang isang natutulog na paslit sa Barangay Tumana, Marikina City, nitong Biyernes.
Nasa kustodiya ng Marikina City Police ang suspek, out-of-school youth, matapos na ireklamo ng 29-anyos na ina ng 6-anyos na babaeng biktima.
Sa reklamo ng ginang, naganap ang insidente sa Singkamas Street, Bgy. Tumana, dakong 8:00 ng gabi.
Natutulog ang biktima sa kanilang tahanan nang paghahalikan ng suspek.
Tito Sotto, bet umukit sa kasaysayan bilang unang senador na naihalal sa ika-5 termino
Nagsumbong ang bata sa kanyang ina, na humingi ng tulong sa mga tauhan ng Barangay Security Force (BSF) ng barangay at mga tauhan ng Police Community Precinct 4 (PCP 4) at inaresto ang binatilyo.
Mahaharap ang suspek sa acts of lasciviousness in relation to RA 7610 (Anti-Child Abuse Law).
Mary Ann Santiago
