NAUWI sa tabla ang laban nina eight-time at 2011 Illinois state champion International Master Angelo Young at Alvin Gayeta Roma para magsalo sa top honors sa katatapos na 2018 Vista Hotel Open Chess Challenge nitong Huwebes sa Vista Hotel sa Cubao, Quezon City.

Sina Young at Roma ay kapwa nakapagtala ng tig 12.5 points sa single round-robin format na ipinatupad ang seven minutes play to finish time control format.

Nasikwat naman ni Dela Salle University (DLSU) -Taft stalwart National Master Giovanni Mejia ang third place na may 11.5 points, angat ng isang puntos kay fourth place Fide Master Christopher Castellano na may 10.5 points.

Magkasalo naman sina National Master at United States chess master Almario Marlon Bernardino Jr. at PH whiz kid Jasper Concepcion Faeldonia ng Arellano University sa fifth hanggang sixth spots na may tig 10.0 points.

'Pikon daw?' UAAP fan na nag-dirty finger, agaw-eksena sa San Juan Arena!

Ang iba pang players na lumahok sa one-day event na layuning maisulong ang pagkakaisa sa mga chess players at makatulong na makadiskubre ng future chess masters ay sina Genghis Katipunan Imperial (9.0 pts.), National Master Romeo Alcodia (7 pts.), Eduardo Nival Campos Jr. (7 pts.), Noel Jay “Super B’ Estacio (7.0 pts.), Joseph Verceles Bendal (6.5 pts.), Narciso Gumila (6.0 pts.), Jerome Alcodia (5.0 pts.), Gabriel Cartel (2 pts.), Raul Mejia (1.0 pt.) at Glenn Cartel 0.5 point.