GALICIA, Spain – Nabigo si Pinay Woman Fide Master (WFM) Antonella Berthe “Tonelle” Murillo Racasa (ELO 1342) na makapasok sa Top 50 nang mabigo kay Gauri Menon (1592) sa final round ng World Cadets Chess Championships nitong Biyernes sa Santiago de Compostela dito.
Nakamit ng 11-anyos na si Racasa ang ikla-72 puwesto sa 107-player field sa Under 12 girls division tangan ang 4.5 puntos sa torneo na itinataguyod ng World Chess Federation (FIDE) tournament.
Ang kanyang European trip ay suportado ng Philippine Sports Commission, National Chess Federation of the Philippines, Mandaluyong City Mayor Menchie Abalos, councilor Charisse Marie Abalos-Vargas, Herminio “Hermie” Esguerra of Herma Group of Companies, sportsman Reli de Leon, Rotary Club of Pasig thru Eng’r Rogelio Lim, Dr. Jess Acantillado at Philippine Executive Chess Association (PECA) President lawyer Cliburn Anthony A. Orbe.
