MAY nalalabi pang mahika sa tinaguriang ‘The Magician’ ng world billiards.
Pinangunahan ni Efren “Bata” Reyes, kinikilalang isa sa pinakamagaling na cue artist sa mundo, ang Team Philippines sa 13-10 victory kontra host Chinese-Taipei sa 2018 Pool Classic: RP vs Taiwan kamakailan sa
Taroko Mall sa Taichung City, Taiwan.
Ang iba pang miyembro ng Team Philippines ay sina World 9-Ball champion Carlo Biado, Johann Chua, Jeffrey Ignacio at Roland Garcia. Si Puyat Sports official Christine “Ish” Caparras ay nasa Taichung City, Taiwan din.
Goodbye PBA? John Amores, tinanggalan na ng professional license!
Ang Chinese-Taipei squad ay binubuo naman nina Ko Pin Yi, Ko Ping Chung, Chang Jun Ling, Chen Yu Chung at Yu Huan Chang.
Naibulsa ng Team Philippines ang US$10,000 habang ang host Chinese-Taipei ay nakatangap naman ng US$5,000.
“Once again, congratulations Efren (Reyes), Carlo (Biado), Johann (Chua), Jeffrey (Ignacio) and Roland (Garcia). You have made every Filipino proud of your triumph,” sabi ni Aristeo “Putch” Puyat , presidente din ng Billiards Sports Confederation of the Philippines (BSCP).
Ilan sa mga kaganapan ay nakaungos si Reyes kay Chang, 6-4,panalo ang tambalan nina Reyes at Ignacio kina Ko Pin Yi at Chang Chen, 6-3.
Binasura rin ni Ignacio si Ko Pin Yi, 6-0, ungos si Biado kay Chang Jung Lin, 5-4, bigo naman sina Biado at Garcia kina Ko Pin Yi at Ko Ping Chun, 5-6.
