PAGKALIPAS ng apat na taon, nagbabalik si Junel Baculi sa UniversityvAthletic Association of the Philippines (UAAP) bilang commissioner ng basketball tournament ng Season 81.

Ayon sa ilang mga coaches na ayaw ng pabanggit ang mga pangalan, pormal ng ipinakilala sa kanila si Baculi sa nakaraang coaches’ meeting na idinaos sa National University noong Martes.

Si Baculi ang hahalili kay Atty. Rebo Saguisag, na magiging full-time Executive Director ng liga.

Nauna ng napunta si Baculi sa UAAP nang kunin ito ng National University bilang school’s athletic director noong 2008. Nagbitiw sya noong 2015 upang bigyang daan ang kanyang passion sa coaching.

'Pikon daw?' UAAP fan na nag-dirty finger, agaw-eksena sa San Juan Arena!

Nang huling mag host ang National University noong Season 75, nagsilbing commissioner noon ang dating multi-titled coach ng San Beda na si Ato Badolato.

Magsisilbi namang assistant commissioner ni Baculi si Tonichi Pujante, ang unang commissioner ng Vietnam Basketball Association.