IPINAHAYAG kahapon ni Philippine Charity Sweepstakes Office (PCSO) General Manager Alexander Balutan na kinansela ng ahensiya ang planong pagtaas sa presyo ng tiket ng Lotto, Sweepstakes, at Keno na nakatakda sana sa Hulyo 8.
Magkakaroon ng pagbabago sa presyo ng tiket sa Hulyo 23.
“In a letter from Pacific Online Systems Corporation (POSC) dated July 5, 2018, it states there that the start of downloading of the program fix to their terminals will be from July 9 to 21, 2018 and will take about two weeks for their program fix to be completely downloaded,” pahayag ni Balutan.
May dalawang lottery systems ang PCSO. Para sa Luzon, ang nangangasiwa ay ang Philippine Gaming and Management Corporation (PGMC). Nakatakdang mapaso ang kontrata nito sa August 21, 2018; habang sa Visayas-Mindanao ang nangangasiwa ay ang POSC na magtatapos din ang kontrata sa July 31, 2018.
50.78% examinees, pasado sa Nov. 2024 Licensure Exam for Agriculturists
Ayon kay Arnel Casas, Officer-in-Charge Assistant General Manager for Gaming Sector, inirekomenda niya ang kanselasyon sa pagtaas ng presyo ng tiket matapos matanggap ang sulat ng POSC.
“The objective really is to have a simultaneous/synchronized implementation nationwide of all online lottery system providers of changes to reflect DST (Documentary Stamp Tax) to lotto tickets. This is in compliance to the TRAIN law,” sambit ni Casas.
Mula January 2018, ang lahat ng PCSO lotto prizes ay may tax na 20 percent sa pagkakataon na ang premyo ay lagpas sa P10,000.
Nauna nang naipahayag ni Balutan ang planong pagtaas sa presyo ng tiket sa P24 mula sa P20 para sa Lotto; P12 mula sa dating P10 sa Digit Games at Keno, at P6 mula sa P5 para sa Sweepstakes tickets.
