KUALA LUMPUR (Reuters, AP) - Sumumpa kahapon si dating Malaysian prime minister Najib Razak na “not guilty” sa tatlong kaso ng criminal breach of trust at isang kaso ng abuse of power. Itinanggi niya ang lahat ng akusasyong ibinabato sa kanya.
Ilang buwan matapos siyang matalo sa halalan, kinasuhan si Najib ng katiwalian kahapon dahil sa umano’y pagtanggap ng milyun-milyong dolyar na bribe money.
Si Najib ang unang ex-premier sa Malaysia na humarap sa hukom, bunga ng mga akusasyon na nagbulsa siya ng 42 milyon ($10.4M), at tatlong bilang ng criminal breach of trust. Ang bawat kaso ay may parusa na hanggang 20 taong pagkakulong.
Mahigit 40 unggoy, nakatakas sa isang research compound sa South Carolina
Humarap sa korte ang 64- anyos na dating lider matapos siyang arestuhin sa kanyang bahay ng mga opisyal na nag-iimbestiga kung paano nawala ang bilyun-bilyong dolyar ng 1MDB sa ilalim ng kanyang pamamahala.
Hiniling ni Attorney General Tommy Thomas, namumuno sa 12-member prosecution team, sa korte na magtakda ng four million ringgit bilang piyansa at bawiin ang pasaporte ni Najib.
Iginiit ng abogado ni Najib na si Muhammad Shafee na ‘’not a flight risk’’ ang kanyang kliyente.
