LEGAZPI CITY, Albay – Nag-isyu ng maagang abiso ang ilang lokal na pamahalaan dito sa pagsuspinde ng klase sa lahat ng antas, pampubliko at pampribado, dahil sa strike ng Concerned Drivers and Operators-Pinagkaisang Samahan ng mga Tsuper at Operator Nationwide (Condor-PISTON), na magsisimula sa ganap na 12:00 ng hatinggabi ngayon hanggang 12:00 ng hatinggabi sa Martes, Hunyo 26.

Ang ilan sa mga lokal na pamahalaan na nag-abiso ay ang Legazpi City (sa lahat ng antas, pampubliko at pampribado); Ligao City (sa lahat ng antas, pampubliko at pampribado); bayan ng Sto. Domingo (sa lahat ng antas); Guinobatan (sa lahat ng antas, pampubliko at pampribado); Daraga (sa lahat ng antas); Jovellar (sa lahat ng antas); at Polangui (sa lahat ng antas, pampubliko at pampribado).

Nagbigay din ng maagang abiso ang University of Santo Tomas- Legazpi at Sunshine International School hinggil sa pagsuspinde ng klase sa lahat ng antas.

Ayon kay Ramon Rescovilla, deputy secretary general ng Condor-Piston –regional transport alliance ng Piston- umaasa silang nasa 90 porsiyento ng mga jeepney driver at operator mula sa Albay, Camarines Sur, Camarines Norte at maging sa Masbate ang makikiisa.

Probinsya

Malawakang rotational brownout sa Siquijor, nauwi sa deklarasyon ng state of calamity

Samantala, ang Naga City ay nag-abiso ng "No suspension of class and work" ngayong Lunes.