Walang dapat paligtasin-Balita

Ni Celo Lagmay

PATULOY ang paglakas ng ugong ng balasahan sa gabinete ni Pangulong Duterte; siya mismo ang nagpapahiwatig na may mga gugulong ang ulo, wika nga, dahil marahil sa kabi-kabilang mga kapalpakan sa iba’t ibang ahensiya ng gobyerno na nagbubunsod ng mga reklamo ng sambayanan.

Hindi nailingid ang panggagalaiti ng Pangulo, halimbawa, sa pamunuan ng Department of Justice (DoJ) nang walang kaabug-abog na palayain ang mga drug lord na sinasabing utak ng pagtindi ng problema sa ipinagbabawal na mga droga.

Naniniwala ako na ang naturang pahayag ang nagpapatibay sa mga espekulasyon na si DoJ Secretary Vitaliano Aguirre ay nanganganib sa kanyang posisyon.

Ang gayong mga pananaw ay hindi naman ikinatigatig ng naturang opisyal. Katunayan, naulinigan ko na nakahanda na ang kanyang resignation letter bilang preparasyon sa magiging desisyon ng Pangulo.

Maging ang pamunuan ng Departmen of Transportation (DOTr) ay nahahagingan din ng sinasabing napipintong balasahan.

Sanhi marahil ito ng mga kapalpakan din ng ilang tauhan ni Secretary Arturo Tugade kaugnay ng nakapepesteng problema sa MRT-III. Hindi maubos-ubos ang reklamo ng mga mamamayan sa paputul-putol na biyahe ng mga tren. Mabuti na lamang at nitong nakaraang araw, sumidhi ang pagsisikap na pagaanin ang pasanin ng mga pasahero. Gayunman, naroroon pa rin ang espekulasyon na tila nanganganib ang katayuan ni Tugade.

Natitiyak ko na may mga tanggapan ng pamahalaan ang nakukulapulan pa ng anomalya at pagmamalabis sa tungkulin. Ang pamunuan ng National Food Authority (NFA), halimbawa, ay inuulan ng mga batikos dahil sa isyu sa bigas. Mismong sina Senador Cynthia Villar at Bam Aquino ang mistulang nagtataboy kay NFA Chairman Jason Aquino upang magbitiw sa tungkulin. Palibhasa’y umaasa lang sa murang bigas na dapat sanang ipinagbibili ng NFA, kabilang din ako sa mga nanawagan ng pagbibitiw ni Aquino.

Naniniwala ako na hindi nanghihinayang ang Pangulo sa pagpapatalsik sa kanyang mga kaalyado. Maraming beses na niya itong nagawa at nasagasaan ang mismong mga opisyal na masyadong malapit sa kanyang puso; mga opisyal na naging katuwang niya sa kanyang pag-akyat sa pinakamataas na luklukan sa gobyerno.

Dapat lamang niyang hawiin ang mga balakid sa hangarin niyang lumikha ng isang malinis na pamahalaan; walang dapat paligtasin sa Cabinet revamp upang ganap na malipol ang mga katiwalian.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...