NATIKMAN ng Batang Gilas Philippine Team ang tunay na aksiyon sa international arena nang makaharap ang world-class Australia at mabigo, 52-82, nitong Miyerkules sa Fiba Under-16 Asian Championship sa Foshan, China.
Kumikig ang Batang Gilas sa unang sultadahan at nagawa pang makaabante sa 11-8, ngunit hindi na nakaporma ang Pinoy sa kabuuan ng laro laban sa mas malalaki, mas mabibilis at mas may karanasang karibal.
Nanguna ang Australia sa Group B na may 2-0 karta, kasunod ang Philippines (1-1).
Kumasa sina McLaude Guadana at RC Calimag sa Batang Gilas sa nakubrang 11 at 10 puntos, ayon sa pagkakasunod, habang nalimitahan ang 7-foot-1 center Kai Sotto sa siyam na puntos.
Kumubra si Jay Rantall ng 15 puntos para sa Australia, habang nag-ambag sina Kobe Williamson ng 14 puntos at Luke Travers na may 11 puntos at pitong rebounds para sa No.10 ranked team.
Lifetime fuel incentive ni Hidilyn Diaz, 'drawing' lang?
Iskor:
Australia (82) - Rantall 15, Williamson 14, Travers 11, Capetola 9, Herbert 8, Wigness 8, Sawaka Lo 7, Jackson 6, Meakes 2, Madden 2, Tsapatolis 0.
Philippines (52) - Guadana 11, Calimag 10, Sotto 9, Andrada 8, Padrigao 5, Fortea 4, Lazaro 2, Cortez 2, Chiu 1, Go 0, Balaga 0, Bautista 0.
Quarterscores: 18-13; 38-25; 73-40; 82-52.
