Ni Leadro Alborote
CAMP MACABULOS, Tarlac City - Isang hindi pa nakikilalang lalaki ang binaril at pinatay sa Victory Uptown Market, Barangay Mabini, Tarlac City, nitong Sabado ng madaling araw.
Inilarawan ni Senior Inspector Joy Turay, commander ng Police Community Precinct- 2 ng Tarlac City Police, ang biktima na may taas na 5'5'', nakasuot ng dilaw na sando at brown short pants, habang ang suspek naman ay nakasuot ng itim na jacket at bonnet.
Sa pahayag ng isang vendor, nakarinig siya ng sunud-sunod na putok sa Uptown Market, dakong 1:20 ng madaling araw.
Tinatayang 132,000 pamilya, lumikas sa Eastern Visayas dahil sa super typhoon Pepito
Naglalakad umano ang biktima sa nasabing lugar nang pagbabarilin ng armadong lalaki.
Nakarekober sa pinangyarihan ng insidente ang dalawang basyo ng bala mula sa kalibre .45 na kasalukuyang sinusuri ng Tarlac Provincial Crime Laboratory Office, Camp Macabulos, sa Tarlac City.
