Ni REGGEE BONOAN

IPINASA kay Direk Perci M. Intalan ang pagdidirehe sa pelikulang My Fairy Tail Love Story ni Direk Jun Robles Lana na kinailangang umalis ng bansa para sa commitment na hindi puwedeng ipagpaliban bukod pa sa kailangan na ring simulan ang Dalawang Mrs. Reyes nina Angelica Panganiban at Judy Ann Santos.

Ayon kay Direk Perci, Marso 2017 pa niya niya sinimulang i-shoot ang pelikula nina Elmo Magalona at Janella Salvador sa Zambales, pero kinailangan niyang ihinto dahil sinu-shoot din ng magka-love team ang Bloody Crayons sa Star Cinema.

“Matagal na natigil kasi nga ang daming ganap kaya nagkapatung-patong ang schedule, hindi magkaayos, kaya nag-usap kami (ni Jun) na I was there naman from the start, sabi ni Jun, saluhin ko na. And ‘yung material, malapit sa akin dahil mala-Disney siya. Kaya siguro mga five or six sequences ang na-retain,” kuwento ni Direk Perci.

Ayon sa mga nakapanood na ay cute ang My Fairy Tail Love Story, millennial ang atake ng kuwento na hindi ‘yung typical na mermaid story o nakagisnang Dyesebel.

“Swak kasi ‘yung mga kanta ni Janella sa movie, ‘tapos ang ganda niya at nakakatuwa ‘yung kuwento kasi ibang-iba sa mga dating Dyesebel stories. ‘Tapos ang gaganda at linaw ng shots sa ilalim ng tubig, ang ganda ng effects, basta maganda at I’m sure matutuwa ang lahat ng makakapanood kasi feel good siya, eh,” kuwento sa amin.

“This is not just an ordinary mermaid movie,” sabi naman ni Janella, “it will remind everyone how much thoughts and wishes could be so powerful. This will open our eyes not only to the beauty of the marine life but to the real beauty of our own lives and the people who love us unconditionally.”

Perfect playdate ang Pebrero 14 para sa My Fairy Tail Love Story. Kasama nina Elmo at Janella sina Kiray Celis, Dino Pastrano, Dominic Ochoa, Kakai Bautista, Rubi Rubi, Kaladkaren Davila at Dimples Romana.

“This is not just an ordinary mermaid movie. It will remind everyone how much thoughts and wishes could be so powerful. This will open our eyes noy only to the beauty of the marine life but to the real beauty of our own lives and the people who love us unconditionally.”

Samantala, no comment na si Janella sa post ng kanyang Mommy Jenine Desiderio tungkol sa isang gatecrasher na dumalo sa family reunion nila dahil katwiran niya ay ipinagpaalam niya si Elmo Magalona sa kamag-anak nila.

“Wala po,” tugon naman ng binata, “hindi po ako naggaganu’n (gatecrash).”

Ang pahayag ni Elmo sa usaping hindi siya gusto ng ina ni Janella: “I think naman like I always say, siyempre, I just want peace, peace lang. Ako, like naman what Janella said, it’s something that is really in the family. So, I just try to keep on telling her na I support her whatever happens. Like, if it’s part of the family, I don’t want to really be involved.”

Willing maghintay ang aktor kung kailan na handang magka-boyfriend si Janella.

“Ako, I just really keep on telling naman Janella na it will have to depend on her na kung puwede na sa ganyan. Kasi, like what I said, I’m not really in a rush. ‘Tsaka I’m just really happy na nakakatrabaho ko ulit siya,” saad ng binata.

Kung hindi boto sa kanya ang mommy ni Janella, kabaligtaran ang pamilya ng binata na welcome ang dalaga na dumalo pa sa kasal nina Maxene Magalona kay Robby Mananquil sa Boracay kamakailan.

“Yeah, I’m happy na there are moments in our lives na ganu’n, nakakapunta si Janella sa events ng family ko,” say ni Elmo.