Pulis, konsehal dinakma sa casino

By Balita Online

January 27, 2018

In FEATURES

PO2 Cyrelle Bayate, assigned at the Parian Police Station of the Cebu City Police Office and Lemuel Pogoy, a municipal councilor of Cordova covers their faces as they were presented to the members of the media in the Police Regional Office-7 in Cebu City on January 26, 2018 after they were caught by operatives of Cebu City Police Office and Lapu Lapu City City Intelligence Branch playing in a casino in Lapu Lapu City. (Photo by: Juan Carlo de Vela) mbnewspictures /mbnewspix

Ni MARTIN A. SADONGDONG

Arestado ang isang pulis at isang konsehal makaraang maaktuhan umanong naglalaro sa casino, sa magkahiwalay na operasyon sa Cebu City.

Kinilala ni Supt. Reyman Tolentin, tagapagsalita ng Police Regional Office (PRO)-7, ang mga inaresto na sina PO2 Cyrelle Marie Bayate, 30, nakatalaga sa Cebu City Police Station 1 sa Barangay Pari-an; at Lemuel Pogoy, konsehal ng Cordova sa Cebu.

Nadakip sina Bayate at Pogoy ilang araw makaraang magbanta nitong Miyerkules si Philippine National Police (PNP) chief Director General Ronald dela Rosa na ipinagbabawal sa mga opisyal at kawani ng pamahalaan ang maglaro sa mga casino.

Sa panayam sa telepono, sinabi ni Senior Supt. Julian Entoma, acting director ng Cebu City Police Office, na inaresto ng mga tauhan ng Regional Intelligence Division (RID) si Bayate habang naglalaro umano sa casino ng isang hotel sa Cebu City bandang 1:00 ng umaga nitong Biyernes.

Samantala, Huwebes naman nang maaresto si Pogoy ng mga operatiba ng RID at Lapu-Lapu City Intelligence Unit, bandang 11:00 ng gabi, habang naglalaro sa slot machine ng isang hotel and casino sa Lapu-Lapu City.

“Kilala naman itong mga taong ito at may intelligence report tayo sa kanila,” ani Senior Supt. Entoma. “Binalaan na sila na dapat sundin talaga ang rules and regulations, dahil kahit saang gambling areas, sabungan o casino, ang order ay bawal at talagang huhulihin sila.”

Sinabi ni Senior Supt. Entoma na dapat na magsilbing babala ang pagkakadakip sa pulis at sa konsehal na seryoso ang pagbabawal ng pamahalaan sa mga tauhan nito na maglaro sa mga casino, at masangkot sa iba pang ilegal na aktibidad.

Kinumpirma naman ng Cebu City Police Office na sinibak na sa kanyang puwesto si Bayate, na pitong taon na sa serbisyo.

Kapwa sasampahan ng mga kasong kriminal at administratibo sina Bayate at Pogoy.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...