SUNOG SA YAKULT Nakapaligid ang mga fire truck sa nasusunog na Yakult Building sa Agoncillo St. sa Malate, Maynila nitong Sabado ng gabi. (MB photo | MANNY LLANES)
SUNOG SA YAKULT Nakapaligid ang mga fire truck sa nasusunog na Yakult Building sa Agoncillo St. sa Malate, Maynila nitong Sabado ng gabi.
(MB photo | MANNY LLANES)
Inabot ng 19 na oras bago tuluyang naapula ng mga bombero kahapon ng umaga ang sunog na tumupok sa anim na palapag na pabrika sa Ermita, Manila.

Ayon kay Fire Chief Insp. Crossib Cante, hepe ng Operations ng Manila Fire District, dakong 4:30 ng hapon nitong Sabado nang magsimulang sumiklab ang apoy sa ikaapat na palapag ng Yakult building sa Agoncillo Street, kanto ng Escoda Street, sa Ermita.

Sinabi naman ni Manila Fire Marshall Supt. Antonio Razal Jr. na umabot sa ikatlong alarma ang sunog, bago tuluyang naideklarang under control dakong 3:20 ng umaga kahapon hanggang tuluyang maapula dakong 11:30 ng umaga.

Wala namang nadamay na katabing establisimyento, at gumamit pa ng kemikal ang mga bombero upang harangin ang supply ng oxygen sa apoy.

BALITAnaw
BALITAnaw: Ang dalawang babaeng naging pangulo ng Pilipinas

BALITAnaw: Ang dalawang babaeng naging pangulo ng Pilipinas

Kinumpirma naman ni Cante na may mga empleyado sa loob ng gusali nang sumiklab ang apoy ngunit wala namang nasaktan o nasugatan sa mga ito.

Inaalam pa ng mga awtoridad ang pinagmulan ng sunog, gayundin ang kabuuang halaga ng mga ari-ariang natupok.

“Ang cause po ng sunog ay still under investigation, at lahat po ng puwedeng pagmulan ay titingnan, kung ito ay sinadya, electrical, or accidental,” ani Cante.

Samantala, sa Port Area ay isang dalawang-palapag na bahay ang nasunog bandang 1:30 ng umaga kahapon.

Ayon sa pamilya, nag-short circuit na bentilador ang pinagmulan ng sunog sa bahay ng isang Jaime Obas sa Block 9 sa Baseco, hanggang maapula dakong 3:25 ng umaga.

Walang nasaktan sa sunog, na tumupok sa nasa P50,000 halaga ng mga ari-arian. - Mary Ann Santiago