Ni REGGEE BONOAN
MUKHANG nahuhulaan na ng mga sumusubaybay sa The Good Son kung sino ang pumatay kay Victor Buenavidez (Albert Martinez) sa rami ng mga lihim na unti-unti nang nalalantad.
Kung dati ay ang ibang babae ni Victor (Albert) na si Racquel (Mylene Dizon) o ang kapatid na si Anthony (John Estrada) ang suspek sa pagpatay, ngayon ay nabaling na kina Dado (Jeric Raval) at Olivia (Eula Valdez) dahil nahuli pala sila ni Enzo (Jerome Ponce) na naghalikan sa loob ng elevator noong magkasama sila sa convention sa Antipolo City.
Gusto kasing patunayan ni Enzo kay Joseph (Joshua Garcia) na mali ang duda nito sa mommy niya at sa driver nila kaya laking galit ng panganay ni Olivia na siya pa mismo ang nakahuli.
98% ng buhok, nalagas na; Doc Willie may mensahe sa kabataan, mga magulang
Lumayas ng bahay nila si Enzo dahil ayaw na nitong marinig pa ang mga kasinungalingan ng ina at kaya raw siya malapit sa driver nila ay dahil ipinagtatanggol siya simula mga bata pa sila kaya malapit silang magkaibigan.
Pero may buwelta si Enzo, “Friends doesn’t kiss each other, mom.”
Samantala, nabuking na maysakit na schizophrenia si Olivia (Eula) na lumaki palang walang pagmamahal mula sa ama na mas gusto ng anak na lalaki bukod pa sa mahina ang utak niya noong nag-aaral siya. Tanging ang nanay niyang si Donya Matilda ang nagmahal sa sa kanya.
Pero dahil kakaiba ang ugali ng bunsong anak ni Olivia na si Calvin (Nash Aguas), pinagdududahan na rin siya ng ilang viewers na posibleng siya ang killer ng tatay nila.
Anyway, inamin ni Jerome sa isang panayam na hindi sila nag-uusap ng ex-girlfriend niyang si Elisse Joson sa set ng The Good Son. At kapag may eksenang magkasama sila ay saka lang sila nag-uusap o nagtatama ang mga mata nila.
May away?
