Sa Moda Center sa Portland, naisalpak ni Damian Lillard ang game-winning triple para sandigan ang Trail Blazers sa nakapigil-hiningang panalo kontra Los Angeles Lakers.
Nagawang mapalobo ng Blazers ang bentahe sa 18 puntos, ngunit nagawang makadikit ng Lakers mula sa 18-10 spurt para sa 66-62 sa halftime.
Sinimulan ni Brandon Ingram ang 18-8 run sa second half para maagaw ng Lakers ang abante sa 80-74. Nagpalitan ng pagbuslo ang magkabilang panig para manatiling dikit ang iskor.
Muling nakaabante ang Blazers sa 110-107 mula sa dalawang free throw ni Jusuf Nurkic may 18 segundo ang nalalabi, ngunit kumabig si Kentavious Caldwell-Pope ng triple para maitabla ang iskor sa 110.
Goodbye PBA? John Amores, tinanggalan na ng professional license!
Sa sumunod na play, nakuha ni Lillard ang bola at kaagad na bumitaw sa three-point area may 0.7 segundo sa laro.
Hataw si Lillard sa naiskor na game-high 32 puntos, habang kumubra sina Nurkic at CJ McCollum ng 28 at 22 puntos, ayon sa pagkakasunod.
Nanguna si Brook Lopez sa Lakers (3-5) sa natipang 27 puntos, habang kumana si Kuzma ng 22 puntos.
